|
Uppsögn
Já, það mætti ENGINN á jólatónleikana og ég skal sko segja ykkur að þið misstuð af MIKLU. Ekki aðeins fékk ég það komment frá leikstjóranum okkar að hún hafði aldrei heyrt mig syngja svona vel, heldur tókst dúettinn okkar Erlu bara mjög vel þrátt fyrir að hún hafi ekki fengið að vita fyrir víst hvort hún ætti að syngja hann fyrr en daginn áður (því Eva, sem átti upprunalega að syngja með mér, var veik og svo batnaði henni og svo hætti henni að batna) og allir fóru barasta á kostum, jólasveinninn kom meira að segja. Ég segi ekki að enginn hafi komið. Gústi var þarna og pabbi og svo Maggi úr Dýrðinni. Hann kom meira að segja með dóttur sína.
Aaaallavega. Mér var sagt upp... eða þannig... það eru hagræðingar í gangi þannig að þeir vilja ráða færra fólk í hærra starfshlutfalli. En ég er enn á skrá þannig að ég á vísa sumarvinnu sem er ekki einskis vert á þessum síðustu og verstu dögum. Annars er ég komin með aðra vinnu. Frá áramótum vinn ég í Laugum, já ég vinn í World Class. Ég mun vera á kaffihúsinu og Booztbarnum og kannske líka á barnum hjá spa-inu.
Já, ekkert nema gott um það að segja. Mig grunar að jólasveinninn verði á ferðinni, að kveldi 22. desembers, því hann er að vinna á aðfangadagsmorgun. Verið því viðbúin heimsókn, þið sem hafið verið góð ;)
skrifað af Runa Vala
kl: 11:55
|
|
|
